आफुलाई पत्रकार भन्दै मध्यरातमा प्रहरीलाई झुठो सूचना दिने एकजना महिलालाई प्रहरीले पक्राउ गरेको छ । गलत सूचना दिएर प्रहरीलाई धम्क्याउने मेचीनगर-११ की लक्ष्मी मगरलाई इलाका प्रहरी कार्यालय काँकरभिट्टाले नियन्त्रणमा लिएको हो । मगरले हिजो राति १० बजेतिर कार्यालयको डिउटी अधिकृतको टेलिफोनमा फोन गरेर प्रहरी सहायक निरीक्षक अम्बरबहादुर लिम्बुलाई गाली गरेकी थिइन् । उनले मेचीनगर १ को पालियापुलबाट उल्लेख्य परिमाणमा गाँजा तस्करी भइरहेको बताएपनि प्रहरी पुग्दा केही नभएको प्रहरीले जनाएको छ । मगरलाई सार्वजनिक अपराध ऐनअन्तर्गत मुद्दा चलाइने भएको छ ।
