चक्काजाम

यातायात मजदुरहरुबाट आज गरिएको चक्काजामका कारण ठप्प बनेको दमक चोकको अवस्था

अर्जुनलाई गोली हान्ने पक्राउ

गत विहिवार शरणार्थी युवा व्यक्तित्व अर्जुन सुव्वामाथि गोली प्रहार भएको घटनामा संलग्न भएको आशंकामा प्रहरीले हिजो शनिवार साँझ सुवास आचार्य र वीर बहादुर सुव्वा नाम गरेका दुई जना भुटानी शरणार्थीलाई गिरफ्तार गरेको थाहा भएको छ । स्मरणीय रहोस् सुवास पूर्व क्याम्प सचिव समेत रहिसकेका व्यक्ति हुन् । उनीहरुको सम्वन्धमा आवश्यक छानविन भइरहेको इलाका प्रहरी कार्यालय, दमकले जानकारी दिएको छ ।

अमिर शर्माका दुई कविता

Esp for Unique college Damak and for Ramesh sir

WAKE UP DEADMAN

Swallow me whole with those chapped lips of yours,
or confine me to a closet with your lifeless power.
Chase me back into a corner and take advantage,
but always remember - you have nothing on me.

I shan't run from fears of something unrealistic,
nor fight the feelings I'll be puking up tonight.
I shan't turn another cheek when you hit me up right,
nor stir emotions deep within soulful dreams.

Instead I shall wake the dead - curse your name aloud.
Pour demons on the grave I dug up and bury you alive.
I will fight until the day I die for the right I have to live-
for I shine brighter than the sun and you've nothing on me.


==============

Tears of Sorrow
+*+*+~{If only you know how much you've hurt me...}~+*+*+

Tears of sorrow rolling forth
From these once joyful eyes
In the starlight they glisten
Like raindrops from the sky

Tears of sorrow rolling forth
From a severely bleeding heart
For her these tears are wept
The heart she had torn apart

Tears of sorrow rolling forth
The hurt she won't ever know
To the stars I cry them all tonight
Hoping that this pain will go

Tears of sorrow rolling forth
For the love she had taken away
To the stars I make this wish tonight
May I see one more joyful day

Tears of sorrow rolling forth
From a heart still wallowing in pain
She's cut it deeply, if only she knew
Only she can make it whole again

by Amir Sharma(Urlabari)

currently in Qatar Airways

शरणार्थीलाई गोली

गोलीबाट घाइते अर्जुन सुव्वा (फोटो - कुमार)


मुक्ति गुरुङ्ग (Student Union of Bhutan का उपाध्यक्ष) ले हिजो दिउँसो २.३० तिर फोन गरेर मलाई भने, "अर्जुन सुव्वालाई क्रान्तिकारीहरुले गोली हाने तर अहिले खतरामुक्त छ । वाहिर भएका साथीहरुलाई यो खवर दिनुस् न दाई ।" सोधीखोजी गरें खासै डराउनु पर्ने रहेनछ । पेटमा र हातमा १-१ गोली लागेको रहेछ ।

अर्जुन र अरु ४-५ जनालाई अस्ती नै देखि धम्की दिइरहेको कुरा त मलाई पनि थाहा थियो । सफाया गर्ने सम्म लेखिएको पर्चा अर्जुनले नै मलाई देखाएका थिए । तर मलाई चाहिँ यो उनिहरुले तर्साउन मात्र खोजेका होलान् । यस्तो गोली नै हान्ने काम त गर्लान् जस्तो लागेको थिएन । तर शरणार्थी क्याम्प पनि अव त धेरै अगाडि पो पुगिसकेछ । त्यसरी हाकाहाकी दिउँसै गोली हान्ने आँट गर्न थालिसकेछन् त्यो पनि क्याम्प बाहिर आएर । माओवादीको गोलीबाट वल्लवल्ल मुक्ति पाएको अवस्थामा फेरि यो शरणार्थीको गोलीले क-कसलाई सिध्याउने हो अव ।

भुटानी शरणार्थी क्याम्पभित्र स्पष्ट रुपमा देखिएका दुई धार (तेश्रो मुलुकमा वसोवास गर्न चाहने र सशस्त्र आन्दोलन गरेरै भए पनि भूटान नै फर्कन चाहने तर कुनै हालतमा तेश्रो मुलुक नजाने जान नदिने) विचको संघर्षले कति निर्दोषले ज्यान गुमाउने हुन् कतिले अनाहकमा दु:ख पाउने हुन् ।

दमक नगरपालिका क्षेत्रभित्रका केही महत्वपूर्ण स्थलहरु (भाग – २)

चिया बगान

दमक न‌.पा. वडा नं‌. १५ र ९ मा अवस्थित हिमालय गुडरिक नामको यो चिया वगान करीव ८०० विगाह क्षेत्रफलमा फैलिएको छ । पहिले यो बगान त्रिभुवनका माहिला छोरा हिमालयको सम्पत्तिको रुपमा रहेको थियो भने अहिले ज्ञानेन्द्रको रहेको छ । राजपरिवारको नाममा भएको सवै सम्पत्ति राष्ट्रियकरण गर्ने भनिए पनि यो बगान अहिलेसम्म राष्ट्रियकरण भएको सुनिएको छैन ।

जे जसको नाममा भए पनि यो चियावगानले दमक क्षेत्रको सौन्दर्य बढाइरहेको कुरामा द्विविधा छैन । साथै धेरै व्यक्तिहरुलाई रोजगारी दिएर यो क्षेत्रको आर्थिक अवस्था वृद्धि गर्न पनि धेरथोर टेवा पुर्‍याएकै छ ।

चियावगानको सौन्दर्य त आफ्नो ठाउँमा छँदैछ, साथसाथै यहाँ एक शिव मन्दिर पनि रहेको छ । यो मन्दिरमा श्रावण महिनाका सवै सोमवारहरुमा विषेश चहलपहल हुने गर्दछ । त्यस्तै तीज, वाला चतुरदशी, शिवरात्री इत्यादि जस्ता पर्वमा त झनै बढि मानिसहरुको आवतजावत हुने गर्दछ ।

त्यस्तै यो चियावगानको सीमानामा नै वौद्ध धर्मावलम्वीहरुको लागि पनि वुद्धस्तुप रहेको छ । वुद्धजयन्तीको दिन र गुरु पूर्णिमाको दिन यहाँ निकै नै बौद्ध तथा हिन्दु धर्मावलम्वीहरु पनि पूजाआजा गर्न भेला हुने गर्दछन् ।

चियावगानकै सम्पत्तिको रुपमा यहाँ ३ वटा ठूला ठूला माछा पोखरीहरु रहेका छन् । तर हाल यी पोखरीमा माछापालन गरिएको छैन । वगान व्यवस्थापनले यी पोखरीलाई त्यति ध्यान दिएको छैन । तर त्यसलाई त्यत्तिकै राख्नु भन्दा त्यसलाई पूर्ण सदुपयोग गरेमा वगानको आम्दानी पनि बढ्ने र अरु व्यक्तिहरुले पनि रोजगारी पाउने थिए । वगान आफैले नगरे अन्य इच्छुक व्यक्ति/संस्थालाई लिजमा दिए पनि हुन्थ्यो ।

हुन त यो बगान यो क्षेत्रमा भएर सवै फाइदै मात्र भएको चाहिँ पक्कै होइन । यसका केही वेफाइदाहरु पनि रहेका छन् । सवभन्दा मुख्य कुरा त के भने यो बगान २ कि‌‌.मि‌. उत्तर दक्षिण लम्वाइको भएकोले गर्दा बगानदेखि दक्षिणी क्षेत्रमा विकासका पूर्वाधार हतपत् नपुग्ने, पुगे पनि धेरै ढिलो पुग्ने गरेको छ । विजुली, टेलिफोन र खानेपानी जस्ता विकासका पूर्वाधारहरुको विस्तार गर्न सम्वन्धित निकायहरुलाई पनि निकै अप्ठ्यारो परेको छ । २ कि‌‌.मि. लम्वाइको कुनै वसोवास नभएको खाली क्षेत्रमा तार, पोल, पाइप ईत्यादि विस्तार गर्नु उनिहरुको लागि फाइदाजनक नभएकाले सिधा बाटोको सट्टा घुमाउरो बाटोबाट विस्तार गर्दा ढिलो भएको हुन सक्छ । त्यसको अलावा सवभन्दा महत्वपूर्ण कुरा हो बाटोको समस्या । २० वर्ष अघि ग्राभेल भएको बाटो अहिले हिंड्न नहुने भएको छ । पिच बन्ने आशामा बसेका त्यहाँका जनताको चाहना कति वर्षपछि पूरा हुने हो या त्यो पनि नहुने हो कुनै ठेगान छैन ।

दमक चोक

दमक चोकको सुन्दर दृष्य - फोटोमा क्लिक गरेर ठूलो पारि हेर्नु होला । (फोटो - कुमार लुईटेल)

दमक नगरपालिका क्षेत्रभित्रका केही महत्वपूर्ण स्थलहरु (भाग – १)

१‌. इन्द्रेणी ताल :
दमक न‌.पा‌, वडा नं‌ १९ मा अवस्थित यो ताल करीव १० विघा क्षेत्रफलमा फैलिएको छ । यो ताल अवलोकन गर्न दिनहुँ सरदर ४०-५० जना मानिसहरु झापा र मोरङ्ग जिल्लाबाट आउने गर्छन् । तर भ्यालेन्टाइन डे, नयाँ वर्ष र पिकनिक जस्ता अवसरमा सरदरभन्दा निकै नै बढी मानिसहरु यहाँ आउने कुरा स्थानिय वासिन्दाहरुबाट थाहा भयो ।

यो तालको मुख्य विशेषता भनेको बोटिङ्ग नै हो । बोटिङ्गको लागि यहाँ एउटा काठको डुङ्गा राखिएको छ, जुन कोशी व्यारेजबाट ल्याइएको रहेछ ।
मुख्य प्राकृतिक ताल वरिपरि अरु स-साना पोखरीहरु पनि बनाइएका छन् जसको मुख्य उद्देश्य चाहिँ माछापालन रहेको छ । यी पोखरीहरुमा पहिले माछाका भुरा ल्याएर हुर्काउने र अलिक ठूला भएपछि ठूलो प्राकृतिक तालमा छोड्ने गरिएको रहेछ ।

सामुदायिक सम्पत्तिको रुपमा रहेको तालको अझै राम्रो व्यवस्थापन र प्रचार प्रसार गर्न सके उक्त क्षेत्रको आर्थिक तथा सामाजिक उन्नति हुने थियो । अझ एकपटक मात्र भए पनि मेलाको आयोजना गरे झन राम्रो हुने थियो ।

कन्यामका केही फोटोहरु

इलामको रमणीय स्थल कन्याम, जुन चियाको लागि पनि प्रख्यात छ । यही कन्यामका केही फोटोहरु

फेरी लोडसेडिङ्ग

ब्राजिल पछिको दोश्रो ठुलो देश हो नेपाल, जलश्रोतमा । तर यो देशमा न हिउँद, न वर्षा, बाह्रै महिना लोडसेडिङ्ग हुन्छ । अस्तीसम्म त हप्ताको एक दिन २-३ घण्टा हुन्थ्यो अव त हप्ताको ५ दिनमा जम्मा १३ घण्टा रे । त्यो पनि केहि दिनलाई मात्र । पुष लाग्दा नलाग्दै यो समय २० घण्टाबाट उकालो लाग्न सक्छ । फागुन चैततिर त दिनको १२ घण्टासम्म लोडसेडिङ्ग हुने हल्ला छ । हेर्दै जाउँ के के हुने हो । नेपाली जनताले कहिले सम्म वेहोर्नु पर्ने हो ।


विजुलीको तार जताततै छ, तर तारमा करेण्ट छैन । मोवाइल फोन हात हातमा छ, तर नेटवर्क छैन । स्वास्थ केन्द्रहरु गाउँ गाउँमा छन् तर औषधी र स्वास्थ्यकर्मी ‍‌‌छैनन् । के छैन नेपालमा, सवथोक छ तर केही पनि छैन । कस्तो अचम्म । कहिलेसम्म हो यस्तो स्थिति ? कि सि‌‌‌ङ्गापुरका पूर्व प्रधानमन्त्री Lee Kuan Yew जस्तो कोही नेता नै जन्मनु पर्ने हो ? वरु ३२ को सट्टा ४०-५० वर्ष नै शासन गरोस् तर देश चाहिँ बनाओस् । यि अहिलेका नेताहरुले चाहिँ देश बनाउने छाँट मैले चाहिँ देखिन, कुनै पनि पार्टीमा ।

सि‌‌‌ङ्गापुरका पूर्व प्रधानमन्त्री Lee Kuan Yew जसले ३२ वर्षसम्म देशको प्रधानमन्त्री भएर देशलाई उन्नतीको शिखरमा पुर्‍याएका थिए ।